Formoli – Griżma tal-Isqof

1. Normalment il-Griżma ssir meta t-tfal ikollhom bejn 11 u 12-il sena, iġifieri meta l-iskola jkunu qegħdin year 7 (form 1).
2. Biex jagħmlu l-Griżma tal-Isqof it-tfal iridu jkunu:
   • Mgħammdin
   • Għamlu l-Preċett
   • Attendew il-katekeżi tal-Griżma
3. Tlett xhur qabel ma ssir il-Griżma tintgħażel persuna waħda bħala parrina jew parrinu.
4. Il-parrina jew parrinu jridu jniżżlu l-formola “Dikjarazzjoni tal-Parrini” minn hawn, jimlewha u jiffirmawha. Meta jimlew il-formola jiddikkjaraw li:
   • Għalqu 16-il sena
   • M’humiex l-omm jew il-missier ta’ min ser jagħmel il-Griżma
5. Huma membri tal-Knisja Kattolika u jaċċettaw it-twemmin Kattoliku kollu
   • Jimxu mat-tagħlim Nisrani
   • Irċevew is-Sagrament tal-Griżma tal-Isqof u jirċievu regolarment is-Sagrament tal-Qrar u Tqarbin
6. Jekk il-ġenituri huma residenti f’parroċċa oħra u jridu li l-Griżma ssir fil-parroċċa tal-Qawra, iridu jmorru għand il-Kappillan tagħhom. Dan jimla u jtihom il-formola “Permess biex sagrament jiġi amministrat f’parroċċa oħra”.
7. Il-ġenituri jridu jieħdu il-formola “Dikjarazzjoni tal-Parrini” (mimlija u ffirmata) l-Uffiċċju Parrokkjali tal-Qawra. Jekk ikunu residenti f’parroċċa oħra iridu jieħdu magħhom ukoll il-formola “Permess biex sagrament jiġi amministrat f’parroċċa oħra” li jkun imlielhom il-kappillan tal-paroċċa ta’ fejn huma residenti.
8. Dettalji oħra jingħataw mill-katekisti u mill-Uffiċċju Parrokkjali permezz ta’ email.

Nota: Ġenituri li huma residenti l-Qawra u jixtiequ li t-tfal tagħhom jagħmlu l-Griżma f’parroċċa oħra iridu jimlew il-formola t’hawn taħt biex jieħdu permess. Il-kappillan tal-Qawra jibgħatilhom il-formola “Permess biex sagrament jiġi amministrat f’parroċċa oħra” mimlija bl-email biex ituha lill-Kappillan tal-parroċċa ta’ fejn it-tfal ha jagħmlu l-Griżma.

Home Page